Tá spéis nua á chur sa Ghaeilge. Ach cé go mbíonn fonn ar dhaoine feabhas a chur ar a gcuid Gaeilge, is minic nach mbíonn a fhios acu cá háit le tosú. Ar an dea-uair, tá go leor acmhainní ar líne ar fáil anois atá éasca le húsáid agus saor in aisce.
Teanglann.ie
Is acmhainn iontach é Teanglann.ie do gach duine atá ag foghlaim nó ag úsáid na Gaeilge. Soláthraíonn sé foclóir cuimsitheach, leaganacha gramadaí samplaí úsáide agus fuaimeanna cainte ó chainteoirí dúchais. Tá sé thar a bheith úsáideach chun focail nua a fhoghlaim, leaganacha ceart a fháil agus do chuid scríbhneoireachta a fheabhsú. Ar bharr ar seo, is féidir leat é a húsáid achan uair is mian leat mar go bhfuil sé ar fáil go héasca ar an idirlíon agus tá sé saor in aisce chomh maith!
Abair.ie
Is uirlis an-úsáideach í Abair.ie chun do scileanna éisteachta agus fuaimniú na Gaeilge a fheabhsú. Úsáideann sí teicneolaíocht urlabhra a fhorbraíodh ag Coláiste na Tríonóide. Cuireann an suíomh deis ar fáil duit téacs a chlóscríobh agus é a chloisteáil á labhairt i gcanúintí Uladh, Chonnacht agus Mumhan, rud a chabhraíonn le tuiscint agus líofacht na teanga a fhorbairt. Tá sé an-úsáideach freisin do mhic léinn atá ag ullmhú do scrúduithe, nó do dhuine ar bith atá ag iarraidh Gaeilge nádúrtha a chloisteáil agus a fhoghlaim.
achmhainní TG4.ie
Tugann TG4.ie rochtain ar réimse leathan ábhar do gach aois agus leibhéal cumais ó chláir faisnéise agus drámaí. Cuidíonn sé seo leat a bheith gníomhach sa teanga i slí thaitneamhach agus spreagúil. Trí fhéachaint ar ábhar siamsúil i nGaeilge, is féidir leat do chuid scileanna éisteachta a fheabhsú gan stró, agus an teanga a fhoghlaim go nádúrtha i gcomhthéacs cultúrtha.Tá an suíomh úsáideach freisin do dhaoine atá ag iarraidh a gcuid Gaeilge a hathnuachan, mar go bhfeictear an teanga i mbun gnímh, agus foghlaimíonn siad nathanna cainte, stór focal nua agus úsáid bheo na teanga sa saol laethúil.
Bain leas astu!
Mar a fheictear, tá réimse leathan acmhainní ar fáil anois a thaispeánann go bhfuil foghlaim na Gaeilge níos inrochtana agus níos spreagúla ná riamh. Tá na huirlisí cearta ar fáil chun cabhrú leat ar do thuras teanga. Le suíomhanna mar Teanglann.ie, Abair.ie, agus TG4.ie, is féidir le gach foghlaimeoir feabhas a chur ar a gcuid scileanna go héasca, ar bhealach spraíúil agus praiticiúil. Ní raibh sé riamh chomh háisiúil Gaeilge a fhoghlaim, níl le déanamh ach an chéad chéim a thógáil.
Le cúpla nóiméad sa lá agus na huirlisí cearta, is féidir leat dul chun cinn mór a dhéanamh le do chuid Gaeilge, Cibé áit a bhfuil tú ar do thuras an Ghaeilge a fhoghlaim agus a úsáid, cuimhnigh an seanfhocal ‘Tús maith, leath na hoibre’
