Is céim chun cinn é cinneadh na Tríonóide 75 faoin gcéad de bhéilí a bialanna a bheith bunaithe ar phlandaí le linn an tSeachtain Ghlas – agus tar a héis le cúnamh Dé – go háirithe do Phropast a labhairt faoi thábhacht gníomhú aeráide i rith an toghcháin.
Léiríonn rogha na Tríonóide mic léinn a tharraingt isteach sa chinneadh – trí vóta ar líne – go bhfuil an Tríonóid ag iarraidh an pobal ar fad a tharraingt le chéile agus í ag iarraidh a bheith níos fearr ar thaobh an chomhshaoil de. Tháinig an polasaí faoi fhóirdheonú a dhéanamh ar bainne bunaithe ar phlandaí ó smaoineamh a bhí ag mac léinn – rud a léiríonn go bhfuil tionchar ag radhairc na mac léinn ar an gColáiste.
Tar éis tús deacair, tá an ceannaireacht nua ag léiriú go bhfuil sí dáiríre faoin gcomhshaol, agus is ceart an cur chuige daonlathach seo a mholadh agus a chur chun cinn.
Ach is ceart polasaithe mar seo a bhunú ar machnamh ar a dtionchar ar fad, áfach. Is gá daoine le riachtanais cothaithe a chur san áireamh, mar shampla.
Tá tábhacht mhór le cá háit a bhfuil an bia ag teacht as freisin. Tá níos mó astaíochtaí i gceist le bainne almóinne a sheoladh ón taobh eile den domhan ná mar atá i gceist le bainne bó na hÉireann a úsáid i gcomhair tae agus caife. Ní féidir glasraí a chur in áit feola amháin, agus dearmad a dhéanamh ar gach ní eile. Caithfidh go mbeidh machnamh déanta air, go mbeidh sé ciallmhar agus bunaithe ar taighde – agus uileghabhálach.
Thairis sin, is céim a bhfuil móréileamh air é níos mó béilí bunaithe ar phlandaí a chur ar fáil. Beidh sé níos deacra céimeanna eile – mar aisfheistiú na bhfoirgneamh agus gearradh siar ar eitiltí chuig comhdhálacha i bhfad i gcéin – a chur i bhfeidhm. Is maith an rud é céimeanna beaga a thógáil, ach tá gá le céimeanna móra freisin.
Dúirt Michele Hallahan, Comhairleoir Inbhuanaitheachta d’Oifig an Phropaist, leis an nuachtán seo go bhfuil “ciall” leis an gcéim – “Má tá ar an mbiachlár a bhfuil ó na daoine, beidh níos mó custaiméirí againn,” a dúirt sí. Dúirt sí freisin go bhfuil súil aici go leanfaidh sé seo ar aghaidh tar éis an tSeachtain Ghlas.
Tá an ceart aici. Bíodh súil againn go bhfeicfidh an Coláiste an loighic seo faoi athrú i dtreo béilí bunaithe ar phlandaí agus é ag cur le tionscadail chomhshaol níos láidre ar gach taobh den Choláiste.
