Bhain James Kirwan agus Colm O’Néill, foireann díospóireachta na Tríonóide an Chraobh Cómortas Díospóireachta Gael Linn/Irish Times tríú leibhéal amach ag an deireadh seachtaine agus an Oireachtas i gCill Airne.
D’éirigh leis na mic léinn seo i gcoinne foirne eile ó OÉ Gaillimh, Coláiste na hOllscoile Corcaigh agus an Coláiste Ollscoile Baile Átha Cliath.
Ba é an rún a bhí á bplé acu ná ‘Is miotas é stádas amaitéarach Chumann Lúthchleas Gael gan fuacht, gan faitíos! Cosúil leis an gcomortás dara leibhéal, bhí seacht nóimead ag achan cainteoir chun a chuid tuairimí a chur in iúl don lúcht éisteachta agus bhíothas in ann pointe eolais a thabhairt do chainteoirí i rith na hocáide.
Bhí foireann Coláiste na Tríonóide ag argóint i gcoinne an rún agus dar leis an bpreasráiteas foilisithe ag Gael Linn, chuaigh a gcuid argóintí go mór i gcion ar na moltóirí, James Kelly, Bríd de Búrca agus Cathal Póirtéir. Bhronn Dealgan Ó Cuill an Corn Gael Linn/Irish Times orthu mar haon le duais 100 eur an duine ar an lá.
Ba iad foireann Ollscoil na hÉireann, Gaillimh a tháinig sa dara háit, agus bronnadh bonn cré-umhadh agus duais de €50 an duine ar Dharragh Mac Giolla Phádraig agus ar Chlíona Ní Ghallchóir.
Mhol Dealgan O’Cuill, iarpheileadóir Chiarraí agus ionadaí Chiarraí leis an CPA, an teacht i láthair agus an cumas argóna a bhí ag na cainteoirí ar dhá thaobh an rúin, maraon le féith an ghrinn!
Glacann na foirne ó na hinstitiúdí triú leibhéal ar fud na tíre páirt sna réamhbabhtaí agus i ndiaidh sin, roghnaítear ceithre fhoireann le dul ar aghaidh agus chun páirt a ghlacadh sa babhta ceannais ag an Oireachtas achan bhliain i Mí na Samhna. Tá an comórtas ar an bhfód le seacht mbliana anuas ón bhliain 2010 agus ag laidriú ó bhliain go bliain.
Eagraítear an comórtas le tacaíocht ó Chonradh na Gaeilge i gcomhar le Alswyn Ní Aonghusa Ní Dhúill, Comhordaitheoir na Mac Léinn, Conradh na Gaeilge, le maoiniú ó Fhoras na Gaeilge chomh maith.
Dúirt Príomhfheidhmeannach Gael Linn, Antoine Ó Coileáin: “Mórócáid na mac léinn ag an Oireachtas is ea Comórtas Díospóireachta Gael Linn. Is cuí gur le linn an Oireachtais atá an comórtas ar siúl mar go bhfuil mic léinn ó gach cearn den tír ag nascadh snaidhm cairdis lena chéile trí Ghaeilge. Go háirithe, is mór le Gael Linn daoine a fheiceáil ag dul ar teacht chun cinn ónár gcuid comórtas dara leibhéal.”
Ag caint leis The University Times, dúirt Oifigeach Díospóireachta an Chumainn Gaelaigh, Blánaid Kearney: “Bhí ardchaighdéan léiríthe ag achan cainteoir ag craobh an chomórtas, go háirithe ag James agus Colm. Léirigh siad paisean don ábhar, cumhra i láthair agus ocras don bhuachan. Ní féidir a sheanadh go raibh sé go hiomlán tuillte acu agus tá me ar mhuin na muice dóibh!”
