Tharla rud éigin éachtach laistigh de limistéar míshéanmhar an Mezz an Déardaoin seo caite: roghnaigh mic léinn na Tríonóide chun foireann shabóideach go hiomlán baineann a thoghadh. (In ainneoin go bhfuil sé sabóideach, ní fhreastalaíonn Eagarthóir The University Times mar oifigeach an aontais.)
I gcás Alice MacPherson, a d’fhill chun bheith ina hoifigeach ar an gcomhaireamh, ba dheacair é a thuiscint. Bliain ó shin, mar Oifigeach Oideachais ar Aontas na Mac Léinn i gColáiste na Tríonóide (TCDSU) chaoin sí an easpa ban a bhí ag rith sna toghcháin i 2018, gan ach beirt ag rith sna toghcháin.
Lena hóráid ag comhairle TCDSU – nuair a cháin sí an éagothroime a chur bac ar mhná páirt a ghlacadh – bhí ar an aontas féinmhachnamh a dhéanamh.
I ndiaidh thoradh an Déardaoin, is dushlán é gan éirí dallta ar mhothúcháin maidir le dóchas agus athrú. Seasann ráiteas MacPherson ón mbliain seo caite: tá níos mó i gceist le rannpháirtíocht na mban sna toghcháin ná “sraith ceardlanna”. Is tasc deacair atá ann. Is gá meoin agus aircitíopa a thiontú. Tá comhráite, i leathanaigh an nuachtáin seo agus in áiteanna eile, níos riachtanaí ná riamh. I gcás neart ban – cuid mhaith díobh atá ag stiúradh agus ag lonrú cheana – tá meantóireacht agus spreagadh de dhíth.
Thar aon rud eile, is gá aithint nach dtig linn ár maidí a ligean le sruth. Ní tharlaíonn ceannairí eirimiúla cumasacha cosúil le Laura Beston thar oíche. Is minic a dhéanann siad an cinneadh gan pháirt a ghlacadh san aontas, ar chúiseanna éagsúla nach mbíonn soiléir i gcónaí.
Mar atá luaite ag an mBord Eagarthóireachta seo cúpla uair, ní dhéantar an cinneadh chun rith sna toghcháin thar oíche amháin: is iad na mic léinn díograiseacha sa chéad agus sa dara bliain – a fhaigheann comhairle agus spreagadh – a bhíonn mar iarrthóirí sna blianta amach romhainn.
Sin ráite, thig linn bheith cinnte faoi rud amháin: feicfidh na mic léinn óga an fhoireann go hiomlán baineann a bheidh i gceannas an bhliain seo chugainn agus aithneoidh siad gur féidir leo bheith i gceannas chomh maith. Mar a dúirt MacPherson ar Twitter Dé hAoine: “FAOI DHEIREADH.”
