Cad is ollscoil theicneolaíochta ann?
Agus tionscadal ollscoil theicneolaíocht na hÉireann ag teacht chun críche leis an bhfógra maidir leis an cúigiú hinstitiúid den chineál seo sa tír a fógraíodh, ní mór do pháirtithe leasmhara an cheist seo a chur arís.
Fiú trí bliana ó shin ní raibh ollscoil theicneolaíochta ar bith sa tír seo agus ag an am seo níor thuig cuid mhór daoine san earnáil an téarma seo. Cad é a bheadh i gceist do na hinstitiúidí teicneolaíochta difriúla má thagann siad le chéile chun an cineál ollscoile nua seo a bhunú? An mbainfear fíorleasuithe amach?
Tá sé deacair neamhaird a dhéanamh ar an ghné pholaitiúil den tionscadal. Is bua éasca é don Aire Ardoideachais, Simon Harris, má leanann sé air ar lánseol leis an tionscadal. Is beag duine a déarfadh gur drochrud é an fhorbairt réigiúnach. Ach caithfidh go bhfuil dhá chéim i gceist leis an tionscadal – muna bhfuil i gceist leis na próiseas chun na hinstitiúide teicneolaíochta athrú chuig ollscoileanna ach ainm nua a thabhairt dóibh, bheadh teip ar an tionscadal. Ba cheart caighdeán oideachas sna hollscoileanna teicneolaíochta a bheith cosúil le caighdeán ollscoileanna traidisiúnta, agus fíor-oideachas ollscoile a thabhairt do mhic léinn – cuid mhór acu nach bhfuil rochtain acu ar an ghnáth-oideachas ollscoile ar chúiseanna éagsúla.
Ach níor cheart do na hinstitiúide teicneolaíochta dearmad a dhéanamh ar a bunchlocha: is ó na ceirdeanna a tháinig na hinstitiúide teicneolaíochta, agus ní mór dóibh oideachais níos praiticiúla agus bunaithe ar earnáil na tionsclaíochta, a chuir ar fáil, i gcomparáid leis na hollscoileanna traidisiúnta.
Tá geilleagar eolais na hÉireann thar a bheith láidir, ach tá ardnós ag baint leis an ardoideachais – rud a ghoileann ar Harris a admháil leis an phróiseas iarratais nua CAO.
Tá sé anois in am do na hollscoileanna teicneolaíochta a stíl oideachais féin a bhaint amach – níl deireadh leis an tionscadal TU go fóill.
