Is mór an spreagadh atá sa nuacht le linn na seachtaine go raibh na níos mó ná €73 milliún sa mhéid tabhartas daonchairdiúil le linn na bliana 2015/16 d’ollscoil atá deacracht aici agus í ag iarraidh na cuntais a chothromú. Agus maoiniú rialtais ag dul in éag le blianta anuas, agus mic léinn ag gearán go hardghuthach i gcoinne scéimeanna iasachtaí, agus Coláiste na Tríonóide ag déanamh níos mó infheistíochta ar fhorbairt inmheánach agus seachtrach, tá riachtanas córas maoinithe eile ag éirí soiléir. B’fhiú an rud é daonchairdeas ó ghréasán 86,531 céimí na hollscoile a fhiosrú agus a úsáid.
Leoga, dealraíonn sé go bhfuil níos mó airgead tuillte ag Coláiste na Tríonóide, mar chéatadán den bhuiséad iomlán, ná ollscoil ar bith sa Ríocht Aontaithe, de réir fianaise a thugadh do Bhord an Choláiste i mí Nollag 2015 agus a chonaic The University Times. Cheapfá go bhfuil sluaite ollmhóra céimithe saibhre a bheadh ag iarraidh tabhartas a dhéanamh ag ollscoileanna cosúil le Oxford agus Cambridge, agus dá bharr sin tá an t-eolas sin níos suimiúla fós. Má tá an daonchairdeas suntasach cruthaithe ag gné áirithe uathúil an oideachais a chuireann an ollscoil ar fáil, an féidir go mbeidh sé mar fhoinse maoinithe fhairsing agus úsáideach?
Níl amhras gur mhéadaigh leathnú iarrachtaí níos mó tabhartas a mhealladh an méid a fhuarthas, trí mheán Trinity Foundation, agus an Coláiste ag dul i dteagmháil le réimse níos mó daoine nach mbeadh ag smaoineamh ar thabhartais agus a mbuntáistí. Áfach, más é sin príomhchúis leis na méaduithe, is dócha go mbeidh pointe sáitithe sroichthe ag Coláiste na Tríonóide – teorainn uachtair thar a nach n-aimseofar níos mó céimithe le fonn tabhartais. Ach tugtar le tuiscint dúinn go bhfuil difríocht éigin idir ár gcéimithe agus céimithe ollscoileanna na Ríochta Aontaithe mar tá an méid tabhartas i dtreo Coláiste na Tríonóide níos mó ná a bhfuil sé in ollscoileanna eile, difríocht níos mó ná easpa oscailteachta do iarrachtaí an Choláiste.
Agus é suite i dtír ina bhfuil céimithe mar chuid níos mó den daonra, is dócha go bhfuil buntáiste ag Coláiste na Tríonóide sa chomthéacs. Agus, tá seans ann gur féidir é a mhíniú chomh maith trí thagairt a dhéanamh do chúiseanna níos uathúla – tá sé níos éasca d’ollscoil níos lú, i dtír níos lú gréasán céimithe a fhorbairt agus iad a spreagadh chun tabhartais. Tá Coláiste na Tríonóide, ar ámharaí an tsaoil ag athrú go tapaidh chomh maith – níl amhras go bhfuil rian suimiúil spéisiúil ag tionscnaimh nua mar Institiúid na nEolaíochtaí Bithleighis agus Institiúid Innealtóireachta, Fuinneamh agus Imshaoil (E3 Institute) do chéimithe a bhfuil aithne acu ar champas níos sean-aimseartha agus níos lú.
