Chuir an Tríonóid ardán tuairisce anaithnide ar fáil níos luaithe an tseachtain seo le haghaidh tarlúintí bulaíochta, leatroim, ciaptha, agus ionsaithe.
Tig le mic léinn “Speak Out” a úsáid chun a leithéid d’iompar a thuairisciú gan gearrán foirmeálta a chur isteach.
Iarrann an suíomh ar mhic léinn sraith ceisteanna ilrogha a fhreagairt maidir le gcineál agus le ham na faidhbe, an aicme daoine (mac léinn, ball foirne, srl) a bhí bainteach leis san áireamh. Ní iarrtar riamh ainmneacha na ndaoine a bhí bainteach leis, ná cur síos a dhéanamh air. Ar deireadh, cuirtear eolas tacaíochta agus slite chun gearrán a chur isteach – más mian leo é sin a dhéanamh – roimh na tuairisceoirí.
Dúirt an Coláiste go mbaileoidh sé sonraí ón suíomh agus go n-úsáidfear é chun polasaithe nua a cheapadh. Is tionscadal dearfach é seo cinnte. Tá a fhios ag an Tríonóid agus ag na mic léinn araon gur iomaí fadhb mar seo atá ann, ach is cúnamh a bheas ann staitisticí a bhailiú faoi a ligfeadh don Choláiste na saghsanna ciaptha agus bulaíochta is coitianta ann a thuiscint le dul i ngleic leo. Thairis sin, tugann an tionscadal seo deis d’íobartaigh an fhadhb a thuairisciú tamall níos déanaí ón lár arna tharla sé, gan bheith orthu gearrán oifigiúil a chur isteach.
Tá an tionscadal mar chuid d’iarracht an Phropaist Linda Doyle “chultúr neamhfhulaingthe” a chothú sa Choláiste. Ach ní hionann fadhb a thuairisciú agus í a réiteach. Fiú go ligeann Speak Out do mic léinn tuairisc a dhéanamh, ní chuireann sé freagracht ar na hionsaitheoirí.
Caithfidh an Coláiste aidhm na huirlise seo, agus na roghanna agus polasaithe a thagann amach as, a fhógairt go léir. Is céim chun cinn é seo, agus níor cheart do bheith mar an t-aon fhreagra amháin ag an Tríonóid ar fhadhbanna eindéimeacha cosúil le hionsaí gnéis.
Bhí comhráite maidir le hathruithe molta ar pholasaí na Tríonóide faoi dhínit agus faoi mheas in ainm a tharlú i Mí na Samhna, ach níor cuireadh amach dátaí agus amanna na gcruinnithe sin ar fáil do mhic léinn mar ab ceart. Móide sin, cáineann an polasaí láithreach cheana a leithéid d’iompar, agus léiríonn sé slite gearrán atá ar fáil d’íobartaigh. Tá a fhios ag mic léinn agus ag baill foirne cheana gur fhadhbanna forleathana iad seo, agus níl mórán muiníne ann sa Tríonóid dul i ngleic leo.
Más mall é teacht Speak Out, is mithid. Tá sé tábhachtach sonraí a bhailiú agus polasaithe a chur i bhfeidhm, agus tá cuma ar an scéal nach bhfuil mórán díocais ar cheannaireacht na Tríonóide dul i ngleic leis na fhadhbanna seo go gníomhach.
