Baineadh preab as an phobal mhac léinn ar fad le linn na seachtaine seo, nuair a nochtadh go raibh bradaíl déanta ag Aontas na Mac Léinn UCD (UCDSU) ar aighneacht réamh-bhuiséaid Aontas na Mac Léinn in Éirinn (USI). Is ábhar iontais é seo i gcás an aontais áirithe seo, a mhaígh thar na blianta nach raibh air brath ar an USI ar bhonn náisiúnta.
Bhain an caidreamh ciotach idir an dá aontas a bhuaicphointe amach i 2013, nuair a bheartaigh formhór na mac léinn in UCD an t-aontas náisiúnta a fhágáil. Rinneadh an cás gur deis a bhí ann neamhspleáchas a bhaint amach chun díriú isteach ar chúrsaí áitiúla. In ainneoin neart tairiscintí ar chúnamh ó USI thar na blianta, ba léir an fonn a bhí ar UCDSU bheith ina sheasamh leis féin.
Cothaíodh an tseachtain seo, áfach, gurb ar scáth a chéile a mhaireann na haontais. Thig le UCDSU tathant USI a dhiúltú, ach ar an drochuair dó, ní bheidh sé riamh in ann caighdeán oibre an aontais náisiúnaigh a athcruthú. Cé gurb ard líon na mac léinn in UCDSU, tá an lámh in uachtar ag USI – is é an eagraíocht mhac léinn amháin a bhfuil suíochán aici ag an tábla idirbheartaíochta leis an Rialtas, chomh maith le foireann mhór oifigigh lán-aimseartha atá dírithe ar chúrsaí náisiúnta don chuid is mó.
Tá an chuma ar an scéal go bhfuil sé seo, faoi dheireadh, ag rith le UCDSU. I mí Márta, bhí sé ag mairseáil in éineacht le USI agus leis na haontais eile ar son aisghairme sa Chearnóg Thosaigh, a mheall bualadh bos ón slua. Le blianta beaga anuas, sheas siad beirt gualainn ar ghualainn ag an Mhórshiúil ar son Oideachais. Níl i gceist leis an chóipeáil gan náire seo ar aighneacht USI ach aitheantas ar an obair a dhéanann an t-aontas náisiúnta.
Más rud é gur fhág UCDSU an USI chun díriú isteach níos mó ar chúrsaí áitiúla, ba chóir gur cuireadh foláireamh amháin; is minic a bhraitheann na cúrsaí áitiúla sin ar thorthaí náisiúnta. Thig le UCDSU aithris a dhéanamh ar obair USI, agus beidh mionbhuanna aige buíochas lena rath – ach ní éireoidh leis riamh an rath sin a athchruthú.
